WTO მცირე და საშუალო ბიზნესის განვითარების მიმართულებით საქართველოს გამოცდილებას გაუზიარებს

ჟენევაში სამუშაო ვიზიტის ფარგლებში საქართველოს პრეზიდენტი მსოფლიო სავაჭრო ორგანიზაციის გენერალურ მდივანს რობერტო აზავედოს შეხვდა. როგორც „ინტერპრესნიუსს“ პრეზიდენტის ადმინისტრაციიდან აცნობეს, მხარეებმა საქართველოსთან თანამშრომლობის გაღრმავების პერსპექტივები და საქართველოში არსებული ეკონომიკური ვითარება განიხილეს, ასევე, ვაჭრობის გლობალურ სისტემასა და ეკონომიკაში არსებული გამოწვევები.

რობერტო აზავედოს განცხადებით, საკმაოდ მზარდია ქვეყნის ეკონომიკა და ასევე მნიშვნელოვანია, რომ მსოფლიო ბანკის შეფასებით, ბიზნესის კეთების სიმარტივის თვალსაზრისით, საქართველო მე-6 ადგილზეა.

,,ამდენად, ყველაფერი საკმაოდ საიმედოდ გამოიყურება და WTO შესაძლებლობის ფარგლებში ყველაფერს გააკეთებს, რათა საქართველომ კიდევ მეტ წარმატებას მიაღწიოს", - აღნიშნა რობერტო აზავედომ. მისი თქმით, WTO გამოცდილებას გაუზიარებს მცირე და საშუალო ბიზნესის განვითარების მიმართულებით.

საქართველოს პრეზიდენტის განცხადებით, საქართველო მდებარეობს რეგიონში, რომელიც მნიშვნელოვანი და ცენტრალურია ტრანსპორტისა და ლოჯისტიკის მიმართულებით.

,,ეს ის რეგიონია, რომელიც უნდა განვითარდეს. მისი მომავალი, როგორც სატრანსპორტო კორიდორი, ევროკავშირის პერსპექტივისთვის მნიშვნელოვანია. საქართველო საკმაოდ ბევრს აკეთებს, ამ ადგილის დასაკავებლად. მათ შორის, ევროკავშირთან, ჩინეთთან და კიდევ სხვა პარტნიორებთან თავისუფალი ვაჭრობის ხელშეკრულების გაფორმებით. თუმცა, ეს ასევე ნიშნავს იმას, რომ ჩვენ საწარმოებს თავისუფალი ვაჭრობის შეთანხმებით სარგებლობის სრული საშუალება უნდა მიეცეთ. ისინი, მზად უნდ იყვნენ ყოველგვარი გამოწვევის გასამკლავებლად. სწორედ, ეს არის ის სივრცე, სადაც მნიშვნელოვანია თავისუფალი სავაჭრო ორგანიზაციის ექსპერტიზა და დახმარება, ისეთი პატარა ქვეყნისთვის, როგორიც საქართველოა. ქვეყანამ ბევრი რამ გააკეთა შიდა რეფორმირების თვალსაზრისით, თუმცა მსოფლიო ბაზარზე, მსოფლიო სავაჭრო სივრცეში შესვლა სჭირდება",- აღნიშნა საქართველოს პრეზიდენტმა.

ინფორმაციას პრეზიდენტის ადმინისტრაცია ავრცელებს.

ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
ქართული პრესის მიმოხილვა 23.01.2020
ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
გათამაშდა 1 მილიონ 182 454 ლარი - იძებნება მოგებული!
თეგეტა მოტორსმა 2019 წელი ავტოინდუსტრიის ბაზრის ლიდერის სტატუსით დახურა
გეოგრაფიკი და კოლიერსი აბასთუმნის განვითარების პროექტის შესახებ
სილქნეტმა გლობალურ საკომუნიკაციო კომპანია OneWeb-თან თანამშრომლობის მემორანდუმს მოაწერა ხელი
"ლიბერთი ბანკსა" და "ევექსი კლინიკებს" შორის ურთიერთთანამშრომლობის მემორანდუმი გაფორმდა
"სილქნეტი" აგრძელებს ოპტიკური ქსელის განვითარებას რეგიონებში - დაფარვის ზონას დაემატა დუშეთი