ამერიკის პრეზიდენტის დონალდ ტრამპის განცხადებით, მან ჩრდილოეთ კორეის ლიდერისგან კიმ ჩენ ინისგან ძალიან თბილი წერილი მიიღო, რომელსაც მან „მშვენიერი“ უწოდა. ამის შესახებ „როიტერი“ იუწყება.

თეთრ სახლში ჟურნალისტებთან საუბრისას, დონალდ ტრამპმა განაცხადა, რომ ფხენიანთან დაკავშირებით, ფიქრობს, რომ რაღაც დადებითიო ხდება. თუმცა, დეტალები ამის შესახებ არ დაუკონკრეტებია.

დღესვე, თეთრი სახლის მრჩეველმა ეროვნული უსაფრთხოების საკითხებში ჯონ ბოლტონმა განაცხადა, რომ შესაძლებელია დონალდ ტრამპისა და კიმ ჩენ ინის მესამე სამიტი გაიმართოს. თუმცა, მისი თქმით, ბურთი ფხენიანის მოედანზეა.

„ჩვენ მზად ვიქნებით, როდესაც ისინი იქნებიან მზად“, - განაცხადა ბოლტონმა.