ლევან ბოძაშვილი - პომპეოს განცხადება ნიშნავს, რომ ანაკლიის პორტი აშშ-ს სტრატეგიული ინტერესია

პომპეოს გზავნილები ქვეყნის დაცულობასა და განვითარებაზეა ორიენტირებული. სახელმწიფო მდივნის განცხადებები ამერიკის სახელმწიფოსა და პრეზიდენტ ტრამპის სახელით იყო გაკეთებული და ეს მიანიშნებს, რომ ამერიკის სტრატეგიული ინტერესია საქართველოს დემოკრატიული განვითარება და უსაფრთხოება, - ამის შესახებ „ინტერპრესნიუსს“ უშიშროების საბჭოს მდივნის ყოფილმა მოადგილე ლევან ბოძაშვილმა განუცხადა.

ამასთან, მისივე განმარტებით, ნატო-ში წევრობის მხარდაჭერისა და იმ ფაქტის ხაზგასმა, რომ საქართველო ნატო-ს სხვა ბევრი წევრისგან განსხვავებით უკვე აკმაყოფილებს 2 %-იანი დაფინანსების კრიტერიუმს, მრავლისმეტყველია.

„ამავე დროს ხაზი გაესვა პირობებს, რომელთა დაკმაყოფილება აუცილებელია ამ გზის გასავლელად - დემოკრატიული არჩევნები და სისტემურად გამართული სასამართლო. თავისუფალ ეკონომიკებზე წვდომა ანაკლიის პორტის კონტექსტში ნიშნავს, რომ ამ ანაკლიის პორტი აშშ-ს სტრატეგიული ინტერესია და მისი აშენება არსებული მოცემულობით ერთგვარი პირობაა აშშ-სთან თავისუფალი ვაჭრობის შეთანხმების მისაღწევად. ამიტომაც, პარლამენტმა დაუყოვნებლივ უნდა დაიწყოს კონსტიტუციით განსაზღვრულ კანონზე მუშაობა და მოსპოს სპეკულაციის ყოველგვარი საფუძველი“, - განაცხადა ბოძაშვილმა.

შეგახსენებთ, რომ აშშ-ს სახელმწიფო მდივანმა მაიკ პომპეომ გუშინ, საქართველოს პრემიერ-მინისტრ მამუკა ბახტაძესთან შეხვედრის შემდეგ გამართულ ერთობლივ ბრიფინგზე იმედი გამოთქვა, რომ ანაკლიის პორტის პროექტის განხორციელებას საფრთხე არ შეექმნება და აღნიშნა, რომ „პორტის პროექტი თავიდან აარიდებს საქართველოს რუსეთისა და ჩინეთის ეკონომიკის ზეგავლენას, ვინაიდან მათ არ აქვთ კეთილი სურვილები მთელი გულით“.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს