გია ვოლსკი - მაიკ პომპეოს განცხადებაში დამაიმედებელი განმარტებებია გაკეთებული ეკონომიკური ურთიერთობის მთელ რიგ მიმართულებებზე

მაიკ პომპეოს განცხადებაში კარგი და დამაიმედებელი განმარტებებია გაკეთებული ეკონომიკური ურთიერთობის მთელ რიგ მიმართულებებზე, - ამის შესახებ ჟურნალისტებს პარლამენტის ვიცე-სპიკერმა გია ვოლსკიმ განუცხადა. მმართველი პარტიის დეპუტატის თქმით, სახელმწიფო მდივნის განცხადებაში ორმხრივი ეკონომიკური თანამშრომლობის კუთხით მნიშვნელოვანი გზვნილებია, სადაც ბუნებრივია, პორტის მნიშვნელობაზეც კეთდება აქცენტი.

ვოლსკის განმარტებით, ანაკლიის პორტს ხელისუფლების მხრიდან მხარდაჭერა აქვს და ექნება.

„ანაკლიის პორტი, რასაკვირველია, არის თემა, რომელსაც ორი აზრი და ალტერნატივა არ გააჩნია. პომპეოს განცხადებაში კარგი და დამაიმედებელი განმარტებებია გაკეთებული ეკონომიკური ურთიერთობის მთელ რიგ მიმართულებებზე", - განაცხადა გია ვოლსკიმ.