კონცერტი, სპექტაკლი როგორ მოგეწონათ გუშინ? - ამ სიტყვებით მიმართა „სამართალდამცავთა რეფორმირების ცენტრის" ხელმძღვანელმა, ზვიად კუპრავამ სასამართლოს სხდომათა დარბაზში მყოფ პირებს.

აღნიშნილი რეპლიკით, კუპრავა თბილისის საქალაქო სასამართლოს გუშინდელ გადაწყვეტილებას გამოეხმაურა, რომელის მიხედვითაც, კუპრავას მიმართ შეფარდებული აღკვეთის ღონისძიება - პატიმრობა ძალაში დარჩა.

ამ წუთებში თბილისის საქალაქო სასამართლოში ზვიად კუპრავას საქმეზე სასამართლო პროცესი მიმდინარეობს, რომელშიც ის ადვოკატის ძალადობაშია ბრალდებული.

დღევანდელ სხდომაზე დაზარალებული ირაკლი ზაქარეიშვილი დაიკითხება.

ცნობისთვის, ზვიად კუპრავას ირაკლი ზაქარეიშვილის საჩივრის საფუძველზე ბრალი 2019 წლის 19 თებერვალს წაუყენეს. ზაქარეიშვილი კუპრავას ფიზიკურ შეურაცხყოფაში ადანაშაულებს. საქმე ეხება, თბილისის საქალაქო სასამართლოს ეზოში რამდენიმე თვის წინ მოხდარ ფაქტს.

ზაქარეიშვილი აცხადებს, რომ მას ზვიად კუპრავა თავს დაესხა. მისივე განმარტებით, სასამართლოს ეზოში მას სიტყვიერი და ფიზიკური შეურაცხყოფა მიაყენეს.