საქართველოს უკრაინის ვეტერანთა საქმეების მინისტრი და მისი პირველი მოადგილე ეწვევიან

13-14 ივნისს, საქართველოს ვეტერანების საქმეთა სახელმწიფო სამსახურს უკრაინის ვეტერანთა საქმეების მინისტრი, ირინა ფრიზი და მისი პირველი მოადგილე, გრიგორ გალაგანი, ოფიციალური ვიზიტით ეწვევიან. ამის შესახებ „ინტერპრესნიუსს“ საქართველოს ვეტერანების საქმეთა სახელმწიფო სამსახურიდან აცნობეს.

ვიზიტის მიზანია, საქართველოს ვეტერანების საქმეთა სახელმწიფო სამსახურის მუშაობის, სტრატეგიის, მიმართულებების, პრიორიტეტების გაცნობა და უწყების გამოცდილების გაზიარება. ქალბატონი ირინა ფრიზი, მისი მოადგილე, უკრაინის სამხედრო ატაშე, პოლკოვნიკი, ოლეგ ორლოვი და საქართველოში უკრაინის საელჩოს პასუხისმგებელი თანამდებობის პირები 13 ივნისს, 11:00 საათზე ვეტერანების საქმეთა სახელმწიფო სამსახურს ეწვევიან, სადაც ოფიციალური შეხვედრა გაიმართება. სტუმრები ვეტერანების საქმეთა სახელმწიფო სამსახურის მუშაობის პრინციპებს, სტრატეგიულ ამოცანებს, ადმინისტრაციულ მოწყობას და პრიორიტეტებს გაეცნობიან. გაიმართება პრეზენტაცია, რომელსაც უწყების დირექტორი, გენერალი, ვლადიმერ იმნაძე, წარადგენს.

„ვიზიტის ფარგლებში, ასევე, დაგეგმილია "ვ. სანიკიძის სახელობის ომის ვეტერანთა ჰოსპიტალისა" და "შეზღუდული შესაძლებლობების მქონე პირთა საპროტეზო-ორთოპედიული ცენტრის" დათვალიერება. 14 ივნისს კი- "ვ. სანიკიძის სახელობის ომის ვეტერანთა ჰოსპიტალის" უფროსის, ლევან ჯუღელის, პრეზენტაცია ომის ვეტერანთა ჯანმრთელობის დაცვის გასაუმჯობესებლად გასატარებელ ღონისძიებათა შესახებ.

ასევე დაგეგმილია ურთიერთთანამშრომლობის მემორანდუმის გაფორმება ორ უწყებას შორის და ვეტერანთა სოციალური, ჯანმრთელობისა და ეკონომიკური მდგომარეობის გასაუმჯობესებლად ერთობლივი პროექტების შემუშავება.

აღსანიშნავია ის, რომ უკრაინაში ვეტერანთა საქმეების სამინისტრო ახლად ჩამოყალიბებულია. საქართველოს ვეტერანების საქმეთა სახელმწიფო სამსახურის, როგორც რეგიონში სამაგალითო უწყების მუშაობის გამოცდილების გაზიარება, უკრაინულ მხარეს აშშ-სა და დიდი ბრიტანეთის შესაბამისმა უწყებებმა ურჩიეს“, - ნათქვამია ინფორმაციაში.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო