დავით ბაქრაძე - რაც უფრო კარგად გაიგებს დღევანდელი ხელისუფლება იმ სიგნალებს, რაც ასე საჯაროდ განაცხადა აშშ-ის სახელმწიფო მდივანმა, მით უკეთესია მისთვის

რაც უფრო კარგად გაიგებს დღევანდელი ხელისუფლება იმ სიგნალებს, რომელიც ასე საჯაროდ და მკაფიოდ განაცხადა აშშ-ის სახელმწიფო მდივანმა, მით უკეთესია მისთვის,- ამის შესახებ „ევროპული საქართველოს" ლიდერმა დავით ბაქრაძემ ჟურნალისტებს განუცხადა, რითაც გამოეხმაურა აშშ-ის სახელმწიფო მდივნის მაიკ პომპეოს გზავნილებს. მისი თქმით, ეს ნიშნავს, რომ "ქართული ოცნების" საქმე კარგად არ მიდის.

„პომპეოს გზავნილებში მკაფიოდ ჩანდა ორი ბლოკი. პირველი - ეს არის უპირობო მხარდაჭერა საქართველოს, ჩვენი უსაფრთხოების, ნატო-ში გაწევრიანების, ქვეყნის ერთიანობის მიმართ და მეორე - ღია შეშფოთება და სიგნალი ხელისუფლებას ისეთ თემებზე, როგორიც არის: არჩევნები, სასამართლო, პარლამენტის როლი და ანაკლიის პორტი. ეს ნიშნავს იმას, რომ საქართველოს საქმე მიდის ძალიან კარგად ჩვენს მთავარ პარტნიორთან, მაგრამ "ქართული ოცნების" საქმე კარგად არ მიდის. რაც უფრო კარგად გაიგებს დღევანდელი ხელისუფლება იმ სიგნალებს, რომელიც ასე საჯაროდ და მკაფიოდ განაცხადა აშშ-ის სახელმწიფო მდივანმა, მით უკეთესია მათთვის. კარგ მთქმელს, კარგი გამგონი უნდა. როდესაც ასეთ პრესკონფერენციაზე უმაღლეს დონეზე საჯაროდ ხდება პრობლემური საკითხების დაფიქსირება, ეს ნიშნავს, რომ ჩვენს სტრატეგიულ პარტნიორს მართლაც გააჩნია სერიოზული პრობლემები იმ თემებზე, რაც არის საქართველოს შიდა დემოკრატია, არჩევნები, სასამართლო და სტრატეგიული პროექტი ანაკლიის პორტი,"- განაცხადა ბაქრაძემ.

გუშინ აშშ-ს სახელმწიფო მდივანმა მაიკ პომპეომ ვაშინგტონში, საქართველოს პრემიერ-მინისტრთან მამუკა ბახტაძესთან ერთობლივი ბრიფინგი გამართა.

„პორტის პროექტი გაზრდის საქართველოს ურთიერთობას თავისუფალ ეკონომიკებთან და თავიდან აარიდებს საქართველოს რუსეთისა და ჩინეთის ეკონომიკის ზეგავლენას. მათ არ აქვთ კეთილი სურვილები მთელი გულით, - ამის შესახებ მაიკ პომპეომ ვაშინგტონში მამუკა ბახტაძესთან ერთობლივ ბრიფინგზე განაცხადა. მან ასევე იმედი გამოთქვა, რომ საქართველო დაასრულებს პორტის პროექტს.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს
გალფი ტურისტული ზონების დასუფთავების მასშტაბურ აქციას იწყებს