მამაკაცს, რომელმაც აგარაში მეუღლე დაჭრა და ერთი პირი მოკლა, პატიმრობა შეეფარდა

მამაკაცს, რომელმაც აგარაში მეუღლე დაჭრა და ერთი პირი მოკლა, აღმკვეთ ღონისძიებად პატიმრობა შეეფარდა. ამით გორის რაიონულმა სასამართლომ სრულად გაიზიარა ბრალდების მხარის არგუმენტები და პროკურატურის შუამდგომლობა დააკმაყოფილა. სასამართლოს ამ გადაწყვეტილებას დაეთანხმა ბრალდებულის ადვოკატიც. ერთი ადამიანის მკვლელობისა და მეორე პირის მკვლელობის მცდელობაში ბრალდებულის უფლებებს საზოგადოებრივი ადვოკატი იცავს.

პროკურატურის შუამდგომლობით, აღმკვეთი ღონისძიების შეფარდების შემდეგ პროცესი დაიხურა. დანაშაულის ერთ-ერთ მოტივად ეჭვიანობა სახელდება და პროცესის დახურვაც პირადი ინფორმაციის დაცვის მიზნით გადაწყდა.

აგარაში, მეუღლის მიერ დაჭრილი 49 წლის ქალის მდგომარეობა კვლავ მძიმეა. პაციენტი, რომელსაც ქმარმა ცივი იარაღით სხეულზე 13 ჭრილობა მიაყენა, კვლავ რენიმაციულ განყოფილებაში რჩება. ექიმების განცხადებით, მისი ჯანმრთელობის მდგომარეობა სტაბილურად მძიმეა.

იხილეთ ვიდეო: მამაკაცს, რომელმაც აგარაში მეუღლე დაჭრა და ერთი პირი მოკლა, პატიმრობა შეეფარდა

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს