საქართველოს პარლამენტის ეროვნულ ბიბლიოთეკაში სტუდენტური კონფერენცია გაიმართა, სადაც საპენსიო სააგენტოს დირექტორმა, ლევან სურგულაძემ სტუდენტებს სერტიფიკატები გადასცა. ამის შესახებ „ინტერპრესნიუსს“ საპენსიო საააგენტოდან აცნობეს.

მათივე ცნობით, საპენსიო რეფორმის შესახებ მომზადებული პრეზენტაციები ახალგაზრდებმა ლევან სურგულაძეს. ნაშრომები შემდეგ თემებზე წარუდგინეს: საქართველოს საპენსიო რეფორმის სოციალური სიკეთეები; უცხო ქვეყნების საპენსიო რეფორმების გამოცდილება და გამოწვევები; საერთაშორისო საპენსიო რეფორმებისა და საქართველოს საპენსიო რეფორმის შედარებითი ანალიზი; საპენსიო რეფორმა და ეკონომიკური განვითარება.

საპენსიო სააგენტოს დირექტორმა საუკეთესო ნაშრომის ავტორები გამოავლინა და სერტიფიკატებით დაასაჩუქრა. შეხვედრა ,,საქართველოს არაფორმალური განათლების ინსტიტუტის“ ორგანიზებით გაიმართა.