ბათუმის საქალაქო სასამართლოში ახალი მეჩეთის მშენებლობასთან დაკავშირებით პროცესი კვლავ გადაიდო

ბათუმის საქალაქო სასამართლოში ბათუმში ახალი მეჩეთის მშენებლობასთან დაკავშირებით პროცესი კვლავ გადაიდო.

როგორც მოსამართლე ჯუმბერ ბეჟანიძემ განაცხადა, ბათუმის მერიისა და მუსლიმი თემის შეხვედრის შემდეგ სასამართლო მიიღებს გადაწყვეტილებას, დაირღვა თუ არა მუსლიმი მრევლის უფლებები.

სასამართლომ მხარეებს მორიგებისკენ მოუწოდა. შეგახსენებთ, რომ დღეს დილით, ბათუმის საქალაქო სასამართლოში სხდომა იმ მიზეზით გადაიდო, რომ მუსლიმ მრევლსა და ბათუმის მერიას შორის მეჩეთის მშენებლობის საკითხზე შეხვედრა ვერ გაიმართა.

მუსლიმი მრევლი ბათუმში გენერალ აბაშიძის ქუჩაზე ახალი მეჩეთის მშენებლობას ითხოვს. მათ ნებართვასთან დაკავშირებით 2017 წელს ბათუმის მერიას მიმართეს, მერიამ კი ნებართვაზე უარი განუცხადა იმ მიზეზით, რომ აღნიშნული ტერიტორია შესაბამისი არ არის მეჩეთის მშენებლობისთვის. მუსლიმმა მრევლმა ბათუმის მერიის გადაწყვეტილება საქალაქო სასამართლოში გაასაჩივრა, ასევე, მათ მეორე სარჩელით მიმართეს სასამართლოს იმასთან დაკავშირებით, იყვნენ თუ არა დისკრიმინაციის მსხვერპლნი.

სარჩელს ბათუმის საქალაქო სასამართლო 2 წლის განმავლობაში განიხილავს.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ციტადელი“ მომხმარებელს ახალ შოურუმში ეპატიჟება
როგორ ვისარგებლოთ თიბისი ფეის აპლიკაციით
კრედო ბანკსა და ევროპის საინვესტიციო ბანკს შორის მიკრო, მცირე და საშუალო ბიზნესების ხელშესაწყობად 36 მილიონი ლარის მოცულობის საფინანსო ხელშეკრულება გაფორმდა