შეიარაღებულმა ჯგუფმა მექსიკაში ჟურნალისტი ნორმა სარაბია მოკლა. მკვლელობა ტაბასკოს შტატის ქალაქ უიმანგილოში, ჟურნალისტის საცხოვრებელი სახლთან მოხდა.
სარაბია გამოცემა Tabasco Hoy-თვის სპეციალურ რეპორტაჟებს ამზადებდა. მკვლელობის მოტივი ამ დროისთვის უცნობია. ადგილზე გამომძიებლები იმყოფებიან.
ქალაქი უიმანგილო მდებარეობს ვერაკრუსის შტატის საზღვართან, სადაც ბოლო პერიოდში რამდენიმე მკვლელობა მოხდა, რომლებიც დაკავშირებული იყო მილსადენიდან მოპარული ნავთობით არალეგალურ ვაჭრობასთან.
ვერაკრუსში კი დღესვე ადგილობრივი ჟურნალისტი მარკო მირანდა გაიტაცეს, რომელიც პორტალ „oticias a Tiempo-თვის მუშაობდა. ბოროტმოქმედებმა მისი ავტომანქანა ბოკა-დელ-რიოს მუნიციპალიტეტთან აიყვანეს. ხელისუფლება ჟურნალისტის ძებნისა და გათავისუფლების ოპერაციას ახორციელებს.