ესტონეთში საქართველოს ყოფილი ელჩი თეა ახვლედიანი ჯანდაცვის მინისტრის პირველ მოადგილედ დაინიშნა. როგორც პრემიერ-მინისტრ მამუკა ბახტაძის ბრძანებაშია აღნიშნული, დავით სერგეენკოს მოადგილის თანამდებობა თეა ახვლედიანმა მიმდინარე წლის 5 ივნისს დაიკავა.

„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 24-ე მუხლის პირველი პუნქტის საფუძველზე, დაინიშნოს თეა ახვლედიანი საქართველოს ოკუპირებული ტერიტორიებიდან დევნილთა, შრომის, ჯანმრთელობის დაცვისა და სოციალური დაცვის მინისტრის პირველ მოადგილედ 2019 წლის 5 ივნისიდან,“ - ნათქვამია პრემიერ-მინისტრის ბრძანებაში.