ომანის ყურეში ორ ტანკერზე „Front Altair“ და „Kokuka Courageous“-ზე მცირე შუალედით აფეთქებები მოხდა, რასაც ხანძარი მოჰყვა. ორივე ამ გემს დახმარებას აშშ სამხედრო-საზღვაო ძალები უწევენ. ამ ცნობას „ბი-ბი-სი“ ავრცელებს. ტანკერზე მყოფი ეკიპაჟის წევრებიდან არავინ დაშავებულა.

დღევანდელ ინციდენტამდე ერთი თვით ადრე არაბეთის გაერთიანებულ საამიროებთან ერთდროულად ოთხ ტანკერზე მოხდა კოორდინირებული თავდასხმა. გაეროს კომისიის სხდომაზე ეჭვმიტანილად გამოცხადდა ანონიმური „სახელმწიფო სტრუქტურა“. აშშ-მ პირდაპირ დასდო ბრალი ირანს. ეს უკანასკნელი ბრალდებებს უარყოფს.

სააგენტო „ბლუმბერგის“ ცნობით, დღევანდელი ინციდენტის შემდეგ ნავთობის ფასმა 3,9%-ით მოიმატა თითქმის ხუთთვიანი მინიმუმიდან. დაზიანებული ორი ტანკერიდან ერთ-ერთზე 75 ათასი ტონა ნავთობია, მეორეზე მეთანოლი და მას ჩაძირვა არ ემუქრება.

იხილეთ ვიდეო: ომანის ყურეში ორ ტანკერზე აფეთქებები მცირე შუალედით მოხდა