თბილისის საკრებულო საკრებულოს თავმჯდომარის მოადგილის, დავით უჯმაჯურიძის გარდაცვალების გამო, ღრმა მწუხარებას გამოთქვამს

ქალაქ თბილისის მუნიციპალიტეტის საკრებულო საკრებულოს თავმჯდომარის მოადგილის დავით უჯმაჯურიძის მოულოდნელი გარდაცვალების გამო ღრმა მწუხარებას გამოთქვამს, - ამის შესახებ ნათქვამია საკრებულოს მიერ გავრცელებულ ინფორმაციაში.

თბილისის საკრებულო გარდაცვლილის ოჯახს, ახლობლებსა და კოლეგებს სამძიმარს უცხადებს.

„დავით უჯმაჯურიძე თბილისის მუნიციპალიტეტის VI მოწვევის საკრებულოს თავმჯდომარის მოადგილე გახლდათ. 2004/2008 წლებში ის საქართველოს VI მოწვევის პარლამენტის წევრი იყო.

დავით უჯმაჯურიძე აქტიურად მონაწილეობდა მუნიციპალიტეტის მუშაობაში. ის გახლდათ საკრებულოს ურბანული დაგეგმარებისა და საქალაქო მეურნეობის კომისიის და სატრანსპორტო საკითხთა კომისიის წევრი,“ - ნათქვამია საკრებულოს მიერ გავრცელებულ ინფორმაციაში.