ლევან თარხნიშვილი - 2020 წელს ხელისუფლება შეიცვლება, უბრალოდ, პროპორციულ სისტემაზე გადასვლა შესაძლებლობას მოგვცემს, ეს უფრო დემოკრატიულად და  მშვიდობიანად მოხდეს

2020 წელს ხელისუფლება შეიცვლება, უბრალოდ, პროპორციულ სისტემაზე გადასვლა შესაძლებლობას მოგვცემს, ეს უფრო დემოკრატიულად და მშვიდობიანად მოხდეს“, - ამის შესახებ „ევროპული საქართველოს“ წევრმა ლევან თარხნიშვილმა განაცხადა.

მან ისაუბრა ოპოზიციური პარტიების ინიციატივაზე, რომ 2020 წლის საპარლამენტო არჩევნები მთლიანად პროპორციული წესით ჩატარდეს. როგორც თარხნიშვილმა აღნიშნა, მმართველი გუნდი არსებული საარჩევნო სისტემით ხელისუფლებაში დარჩენას ცდილობს, თუმცა ის განწირულია და აუცილებლად შეიცვლება.

„ის, რომ ხელისუფლებას არსებული საარჩევნო სისტემის შენარჩუნება სურს, ნიშნავს ძალიან მარტივ რაღაცას. ეს ნიშნავს იმას, რომ ხელისუფლება კიდევ ერთხელ მიდის ხალხის, პოლიტიკური პარტიების, არასამთავრობო ორგანიზაციებისა და რაც ასევე ძალიან მნიშვნელოვანია, ჩვენი პარტნიორი ქვეყნების ნების წინააღმდეგ. მათ სურთ, ხელოვნურად შეინარჩუნოს ის სისტემა, რომელიც მათი აზრით, გაუადვილებთ ხელისუფლებაში დარჩენას. შემიძლია ვთქვა, რომ ეს მაინც არ უშველის და 2020 წელს, ასე თუ ისე, ხელისუფლება მაინც შეიცვლება, უბრალოდ, პროპორციულ სისტემაზე გადასვლა შესაძლებლობას მოგვცემს, ეს უფრო დემოკრატიულად და მშვიდობიანად გაკეთდეს და ხელსუფლებაში მოვიდეს არა რომელიმე ერთი ძალა, არამედ, კოალიციური მთავრობა. ეს მოგვცემს იმის საშუალებას, რომ საქართველომ გადადგას კიდევ ერთი დიდი ნაბიჯი დემოკრატიის განვითარების მიმართულებით. მიუხედავად იმისა, ხელისუფლება წამოვა თუ არა ამ დათმობაზე, ის მაინც განწირულია, უბრალოდ აქ მნიშვნელოვანია, როგორ განვითარდება პროცესები. ასევე, კიდევ ერთხელ გამოჩნდება, რამდენად გულწრფელია ხელისუფლება, როდესაც ამბობს, რომ ის დაინტერესებულია დემოკრატიის განვითარებით, სამართლიანი არჩევნების ჩატარებითა და საარჩევნო სისტემის ცვლილებით“, - განაცხადა თარხნიშვილმა.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს
გალფი ტურისტული ზონების დასუფთავების მასშტაბურ აქციას იწყებს