ინდოეთში ლიჩის ტოქსიკური ნაყოფის ჭამის გამო, 53 ბავშვი გარდაიცვალა

ინდოეთის ბიხარის შტატში ბოლო 10 დღის განმავლობაში 53 ბავშვი გარდაიცვალა. ექიმების ცნობით, ყველა მათგანმა გარდაცვალებამდე მცენარე ლიჩის ნაყოფი ჭამა, რომელიც სავარაუდოდ, ტოქსინებს შეიცავდა.

კიდევ 40 ბავშვი მსგავსი სიმპტომებით საავადმყოფოებში მოათავსეს.

ადგილობრივი მედიის ცნობით, ლიჩის ნაყოფთან დაკავშირებული დაავადებები ბიხარის შტატში 1995 წლიდან ყოველ ზაფხულში ფიქსირდება, 2014 წელს დაავადებამ, რომელსაც ადგილობრივ მოსახლეობაში „ცრუ ციებას“ უწოდებენ, რეკორდული 150 ადამიანის სიცოცხლე შეიწირა.