დიმიტრი ცქიტიშვილის ინფორმაციით, შრომის უსაფრთხოების სპეციალისტების გადამზადება დაწყებულია და ბიზნესი რამდენ ადამიანსაც მოითხოვს, იმდენი გადამზადდება

საპარლამენტო უმრავლესობის წევრის დიმიტრი ცქიტიშვილის განცხადებით, შრომის უსაფრთხოების სპეციალისტებისგადამზადება დაწყებულია და „ბიზნესი რამდენ ადამიანსაც მოითხოვს, იმდენი გადამზადდება". ამის შესახებ დიმიტრი ცქიტიშვილმა თბილისის საკრებულოში განაცხადა, სადაც შრომით უსაფრთხოებასთან დაკავშირებით, უბედური შემთხვევების პრევენციის მიზნით, დეველოპერულ კომპანიებთან სამუშაო შეხვედრა იმართება.

მისი თქმით, შრომის უსაფრთხოების სპეციალიტებში იგულისხმება ინტეგრირებული ჯგუფები, რომლებშიც გაერთიანებული იქნებიან როგორც შრომის უსაფრთხოების სპეციალისტები, ისე შრომის ინსპექციის წარმომადგენლები, მუნიციპალური ინსპექციის წარმომადგენლები და ტექნიკური ზედამხედველობის სამსახურის წარმომადგენლები. მისივე თქმით, აღნიშნული სამსახურების საერთო კომპეტენციის და რესურსების გაერთიანება ხდება იმისთვის, რომ მუშაობა "ინტენსიური იყოს და დეველოპერული კომპანიებისთვისაც არ იყოს 3 სხვადასხვა შემოწმება ცალ-ცალკე საჭირო".

"შრომის უსაფრთხოების სპეციალისტზე ვაკანსიები არ გამოცხადებულა. გადამზადება დაწყებულია. თუ არ ვცდები, 700 კაციანი რეესტრიც კი არის სპეციალისტების. რამდენსაც მოითხოვს ბიზნესი, იმდენი ადამიანი გადამზადდება. არის ისეთი ბიზნესი, რომელიც აწარმოებს ამ საქმიანობას და მომზადებას შრომის უსაფრთხოების სპეციალისტების. თუმცა, ის ვერ მოამზადებს იმხელა რაოდენობის რესურსს, რომელიც სჭირდება ბიზნესს. თუ ბაზარზე მათ არ გააჩნიათ მოთხოვნა, ანუ თუ არ დაიწყეს აყვანა ამ ხალხის, შეიძლება ადამიანმა არ გაიაროს გადამზადება, რადგან მოთხოვნა არ არის. ამასთან, შესაძლებელია, რომ მათ თავისივე მოქმედი თანამშრომელი გადაამზადონ, ან თვითონ გადაემზადონ. შეიძლება სამუშაოების მწარმოებელი გადაამზადონ, მაგრამ ვიღაც უნდა არსებობდეს, ვინც ამ რეგლამენტებს გაეცნობა. კანონის გარდა არის ტექნიკური რეგლამენტი, რომელიც უნდა იყოს დაცული“, - განაცხადა დეპუტატმა.

კითხვაზე, ვინ გადაამზადებს შრომის უსაფრთხოების სპეციალისტებს, ცქიტიშვილმა ასე უპასუხა: "ეს არის 10-15- მდე აკრედიტირებული ორგანიზაცია, რომელთა სია გამოქვეყნებულია ჯანდაცვის სამინისტროს საიტზე. მათ შორის არის ბიზნეს ფედერაცია, ბიზნეს დამსაქმებელთა ფედერაცია და რამდენიმე ორგანიზაცია, რომლებიც ამას ახორციელებენ და შეკვეთის შემთხვევაში, მათ შეუძლიათ, რომ თვითონვე შესთავაზონ თავისი კადრები, რომლებსაც გადაამზადებენ".

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს
გალფი ტურისტული ზონების დასუფთავების მასშტაბურ აქციას იწყებს