„აზიური ფაროსანას წინააღმდეგ ბრძოლის სახელმწიფო პროგრამის“ კონკურსის გამარჯვებული პროექტების ანგარიშის მოსმენა გაიმართა

შოთა რუსთაველის საქართველოს ეროვნული სამეცნიერო ფონდის მიერ ჩატარებული კონკურსის „აზიური ფაროსანას წინააღმდეგ ბრძოლის 2018 წლის სახელმწიფო პროგრამის“ ფარგლებში გამარჯვებული პროექტების შუალედური ანგარიშის მოსმენა გაიმართა. როგორც „ინტერპრესნიუს“ შოთა რუსთაველის საქართველოს ეროვნული სამეცნიერო ფონდიდან აცნობეს, შეხვედრა შედგა გარემოს დაცვისა და სოფლის მეურნეობის სამინისტროს სურსათის ეროვნული სააგენტოს ორგანიზებით.

მათივე ცნობით, შეხვედრას ესწრებოდა შოთა რუსთაველის საქართველოს ეროვნული სამეცნიერო ფონდის გენერალური დირექტორის მოადგილე ჯაბა სამუშია, რომელმაც ამ პროექტის აქტუალობასა და მნიშვნელობაზე ისაუბრა; სამომავლოდ, ფონდის ინიციატივით დაიგეგმა მასშტაბური ღონისძიება, რომელზეც ამ პროექტების პრეზენტაცია და მიღწეული შედეგების შეჯამება მოხდება.