ბოლნისში პირველი საერთაშორისო ფორუმი გაიმართა

ბოლნისში პირველი საერთაშორისო ფორუმი „ადგილობრივი თვითმმართველობები ახალი ეკონომიკური შესაძლებლობებისთვის სოფლის მეურნეობაში და სოფლად“ გაიმართა. ამის შესახებ „ინტერპრესნიუსს“ საქართველოს რეგიონული განვითარებისა და ინფრასტრუქტურის სამინისტროდან აცნობეს.

მათივე ინფორმაციით, ღონისძიების მიზანია ადგილობრივი ხელისუფლების პოტენციალისა და როლის განსაზღვრა აგრობიზნესისა და სოფლის განვითარებაში.

ფორუმზე სიტყვით გამოვიდა რეგიონული განვითარებისა და ინფრასტრუქტურის მინისტრის მოადგილე ილია ბეგიაშვილი.

,,ძალიან საინტერესო გამოსვლები იყო როგორც თვითმმართველობის, ასევე ცენტრალური ხელისუფლების მხრიდან. ბოლო რამდენიმე თვის განმავლობაში ასეთი ტიპის ფორუმები ჩატარდა კახეთში, რაჭაში, იმერეთში. თითოეულმა ამ ფორუმმა რეგიონებს მოუტანა საინტერესო ახალი კავშირები, მუნიციპალიტეტებმა ახალი ინვესტორების მეტი ყურადღება მიიქციეს, უფრო მარტივი გახდა მათთან იმ პოტენციალზე საუბარი, რაც გააჩნია თითოეულ რეგიონს“,- აღნიშნა ილია ბეგიაშვილმა.

ღონისძიებას რეგიონული და ცენტრალური ხელისუფლების, საერთაშორისო ორგანიზაციებისა და არასამთავრობო ორგანიზაციების წარმომადგენლებიც ესწრებოდნენ.

ფორუმში მონაწილეობას, საქართველოს, უკრაინის, ბელარუსის, მოლდოვას, სომხეთისა და აზერბაიჯანის ადგილობრივი თვითმმართველობის წარმომადგენლები, საქართველოში ევროკავშირის წარმომადგენლობა და "მერების ეკონომიკური ზრდისთვის" სამდივნო იღებენ.

ფორუმის მეორე დღე, 14 ივნისი, სიტყვით გამოსვლებსა და დისკუსიას დაეთმობა, გაიმართება ადგილობრივი ღვინისა და სასოფლო-სამეურნეო პროდუქტების გამოფენა-გაყიდვა და სხვა სახის ღონისძიებები.

ამასთან, განხილული იქნება სოფლისა და სოფლის მეურნეობის სწორ მარკეტინგზე, თანამშრომლობაზე, გენდერულ თანასწორობაზე, კლიმატის ცვლილების შერბილებასა და ახალ შესაძლებლობებზე დაფუძნებული განვითარება.

კონფერენციის მონაწილეებს შესაძლებლობა ექნებათ ჩაერთონ დისკუსიაში, გაეცნონ ბოლნისის მუნიციპალიტეტის შესაძლებლობებს, ეწვიონ მთავარ ტურისტულ ატრაქციებს და ითანამშრომლონ ერთმანეთთან.

„ფორუმი დაფუძნდა მიმდინარე წელს და გულისხმობს აღმოსავლეთ პარტნიორობის ქვეყნებში გამოცდილების გაზიარებას ადგილობრივ თვითმმართველობებს, ბიზნეს სექტორს, სამოქალაქო საზოგადოებას და ექსპერტებს შორის.

მიმდინარე წელს ფორუმი მიეძღვნება ადგილობრივ-ეკონომიკურ განვითარებას დაფუძნებულს სოფლის მეურნეობისა და სოფლის განვითარებაზე“, - ნათქვამია ინფორმაციაში.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ციტადელი“ მომხმარებელს ახალ შოურუმში ეპატიჟება
როგორ ვისარგებლოთ თიბისი ფეის აპლიკაციით
კრედო ბანკსა და ევროპის საინვესტიციო ბანკს შორის მიკრო, მცირე და საშუალო ბიზნესების ხელშესაწყობად 36 მილიონი ლარის მოცულობის საფინანსო ხელშეკრულება გაფორმდა