პროკურატურაში კომპანია „ასკონა ჰოლტის“ დირექტორის წერილის მიღებას ადასტურებენ, რომელშიც, სავარაუდოდ, პაატა ბურჭულაძის რეპუტაციის დაზიანებაზეა საუბარი

პროკურატურაში ადასტურებენ, რომ პაატა ბურჭულაძის საქმეთან დაკავშირებით კომპანია „ასკონა ჰოლტის“ დირექტორის წერილი მიიღეს. როგორც „ინტერპრესნიუსს“ პროკურატურაში განუცხადეს, წერილში დასმულ კითხვასთან დაკავშირებით, თუ რა ხდება ფონდ „იავნანას“ დამფუძნებლის საქმეზე, მათი პასუხი ერთია, რომ საქმეზე მიმდინარეობს გამოძიება.

კომპანია „ასკონა ჰოლტის“ დირექტორმა, პაატა ბურჭულაძის საქმესთან დაკავშირებით საქართველოს მთავარ პროკურატურას წერილით მიმართა. წერილში საუბარია რამდენიმე ფაქტზე, რომელმაც კომპანიის ყურადღება მიიქცია. წერილში, რომელსაც „რუსთავი 2“ აქვეყნებს, საუბარია მსოფლიო ბანის, პაატა ბურჭულაძის დისკრედიტაციაზე, კერძოდ რამდენიმე ზარზე, რომელიც მსოფლიოს წამყვან თეატრებში განხორციელდა. ზარის ავტორი თავდაპირველად ამბობს, რომ სურს ინტერვიუ მსოფლიო ბანთან, თემად კი მის მოსალოდნელ დაპატიმრებას ასახელებს.

"2017 წლის 20 სექტემბერს საქართველოს პროკურატურაში აღიძრა სისხლის სამართლის საქმე საქველმოქმედო ფონდ „იავნანას“ ხელმძღვანელი პირების მიმართ. რასაც საფუძვლად დაედო „შავი პიარის“ ტრადიციების გამოყენებითა და სიძულვილის ენით მომზადებული ფილმი. გავიდა ერთი წელიწადი და 9 თვე და ჯერ ისევ უცნობია, მიუძღვის თუ არა რაიმე ბრალი ჩვენი გაერთიანების წევრ არტისტს, ბატონ პაატა ბურჭულაძეს, გამოიკვეთა თუ არა მისი რაიმე ბრალეულობა აღძრულ სისხლის სამართლის საქმესთან დაკავშირებით. სახეზეა ფაქტი, რომ საქართველოში განხორციელებული დისკრედიტაციის კამპანიის ავტორები შეეცადნენ უცხოეთშიც დაეზიანებინათ ჩვენი არტისტის რეპუტაცია და უნდა მოგახსენოთ, რომ პაატა ბურჭულაძის კარიერა ევროპასა და უცხოეთის სხვა ქვეყნებში მართლაც მნიშვნელოვნად დაზიანდა. ევროპის თეატრებში სატელეფონო ზარები განახორციელეს უცნობმა პირებმა, რომლებიც აღნიშნავდნენ, რომ პაატა ბურჭულაძეს 7-დან 11 წლამდე პატიმრობა ელოდა",-ნათქვამია წერილში, რომელიც შალვა თადუმაძის სახელზე გაიგზავნა.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო