გორი-ერგნეთის გზაზე ავტოსაგზაო შემთხვევას 1 ადამიანი ემსხვერპლა, 8 კი დაშავდა, მათ შორის 2 წლის ბავშვი
გორი-ერგნეთის საავტომობილო მაგისტრალის ქიწნისის მონაკვეთზე მომხდარი ავტოსაგზაო შემთხვევას ერთი ადამიანი ემსხვერპლა,რვა კი დაშავდა.
თბილისის მიმართულებით მოძრავ მინივენს საპირისპირო მიმართულებით მოძრავი „ბეემვეს“ მარკის ავტომანქანა შეეჯახა. მინივენის მძღოლი შემთხვევის ადგილზევე გარდაიცვალა, 5 მგზავრი კი, რომელთა შორის 2 წლის ბავშვიცაა, სასწრაფო დახმარების ჯგუფებმა კლინიკა „გორმედში“ გადაიყვანეს. სხეულის სხვადასხვა სიმძიმის დაზიანებები მიიღეს „ბეემვეში“ მყოფმა პირებმაც.
„ბეემვეს“ ავტომობილის მძღოლი და ორი მგზავრი თავდაცვის სამინისტროს გორის სამხედრო ჰოსპიტალში მოათავსეს.
„გორმედის“ მორიგე ექიმის დავით გასიტაშვილის განცხადებით, ახალგაზრდა ქალს და მის 2 წლის შვილს მცირე ექსკორაციები აღენიშნებათ და ორივე მათგანი ტრამბულატორიული პაციენტია. რაც შეეხება სხვა დაშავებულებს, მძიმეა 25 წლის მამაკაცისა და ახალგაზრდა ქალის ჯანმრთელობის მდგომარეობა, რომელიც რეანიმაციულ განყოფილებაში მოათავსეს. 14 წლის მოზარდის ჯანმრთელობის მდგომარეობა კი სტაბილურია. სხვა დაშავებულებს კი ამ წუთებში პირველადი დახმარება და პირველადი კვლევები უტარდებათ.
შსს-ში აცხადებენ, რომ მომხდარ ფაქტზე გამოძიება საქართვველოს სისხლის სამართლის კოდექსის 276-ე მეექვსე მუხლით მიმდინარეობს.
