საერთაშორისო სამსახიობო სააგენტო პაატა ბურჭულაძის დისკრედიტაციის მცდელობაზე - ევროპის თეატრებში დარეკეს უცნობმა პირებმა, რომლებიც აღნიშნავდნენ, რომ ბურჭულაძეს 7-დან 11 წლამდე პატიმრობა ელოდა

სახეზეა ფაქტი, რომ საქართველოში განხორციელებული დისკრედიტაციის კამპანიის ავტორები, რასაც ამყარებდა პროკურატურის მიერ სისხლის სამართლის საქმის აღძვრის ფაქტი, შეეცადნენ უცხოეთშიც დაეზიანებინათ ჩვენი არტისტის რეპუტაცია, -ამის შესახებ საერთაშორისო სამსახიობო სააგენტოს „ასკონა ჰოლტი“ მიერ საქართველოს პროკურატურისადმი გაგზავნილ წერილშია ნათქვამი.

როგორც სააგენტოს მიერ გენერალური პროკურორის შალვა თადუმაძის მისამართით გაგზავნილ წერილში აღნიშნული, პაატა ბურჭულაძეს, რომელიც ჩართული იყო საქართველოს კეთილდღეობის შენებაში და ხშირად იღებდა მონაწილეობას საერთაშორისო საქველმოქმედო პროექტებში, არ ეძლევა თავისი საქმიანობის ნორმალურ ვითარებაში გაგრძელების შესაძლებლობა.

„სახეზეა ფაქტი, რომ საქართველოში განხორციელებული დისკრედიტაციის კამპანიის ავტორები (რასაც ამყარებდა პროკურატურის მიერ სისხლის სამართლის საქმის აღძვრის ფაქტი) შეეცადნენ უცხოეთშიც დაეზიანებინათ ჩვენი არტისტის რეპუტაცია და უნდა მოგახსენოთ, რომ პაატა ბურჭულაძის კარიერა ევროპასა და უცხოეთის სხვა ქვეყნებში მართლაც მნიშვნელოვნად დაზიანდა. ევროპის თეატრებში სატელეფონო ზარები განახორციელეს უცნობმა პირებმა, რომლებიც აღნიშნავდნენ, რომ პაატა ბურჭულაძეს 7-დან 11 წლამდე პატიმრობა ელოდა. მისი დისკრედიტაციისთვის ასევე, გამოყენებული იქნა wikipedia.

აღსანიშნავია ის გარემოებაც, რომ ჩვენი სააგენტო ათეული წლების მანძილზე ხელს უწყობდა პაატა ბურჭულაძეს საქველმოქმედო კონცერტების გამართვაში სოციალურად დაუცველი ბავშვებისა და ოჯახების დასახმარებლად. მსოფლიოში ცნობილი მაღალანაზღაურებადი უცხოელი არტისტები სრულიად უანგაროდ ჩამოდიოდნენ საქართველოში და ეხმარებოდნენ ქართველ ბავშვებს. ამჟამად, ეს საქველმოქმედო აქციები შეჩერებულია და არც ერთი არტისტი აღარ გამოთქვამს საქართველოში ჩამოსვლის სურვილს.

როგორც ჩვენთვის ცნობილია, დღემდე არანაირი დანაშაულის კვალი არ არის აღმოჩენილი (ფაქტი ოფიციალურად ცნობილი არ არის), მაგრამ ჩვენი გაერთიანების წევრს, ბატონ პაატა ბურჭულაძეს, რომელიც მუდმივად ჩართული იყო საქართველოს კეთილდღეობის შენებაში და ხშირად იღებდა მონაწილეობას საერთაშორისო საქველომოქმედო პროექტებში, არ ეძლევა თავისი საქმიანობის ნორმალურ ვითარებაში გაგრძელების შესაძლებლობა“,-ნათქვამია წერილში.

ამასთან პროკურატურაში გაგზავნილ წერილში, წერია, რომ აქამდე პაატა ბურჭულაძეს მთელი მსოფლიო იცნობდა, როგორც დიდ ხელოვანსა და საზოგადო მოღვაწეს და ათეული წლების მანძლზე ბევრი უცხოელისთვის საქართველო სწორედ მის სახელთან იყო გაიგივებული. სააგენტო წერილში განმარტავს, რომ მათთვის წარმოუდგენელია, როგორ შეიძლება ყოველგვარი მტკიცებულების გარეშე, საკუთარი ქვეყანა ცილს სწამებდეს და დევნიდეს სახელოვან არტისტს.

იხილეთ ვიდეო

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა