ნათია თურნავა - აშშ-ში საქართველო განიხილება, როგორც პოლიტიკურად სტაბილური, გამჭვირვალე და უსაფრთხო საინვესტიციო ქვეყანა

საქართველო განიხილება, როგორც პოლიტიკურად სტაბილური, გამჭვირვალე და უსაფრთხო საინვესტიციო ქვეყანა, სადაც მინიმუმამდეა დაყვანილი ბიუროკრატია, მაღალია საკომუნიკაციო ეფექტურობა, ხოლო საგადასახადო ტვირთი - დაბალი. ეს ფაქტორები აყალიბებს ხელსაყრელ საინვესტიციო გარემოს. საქართველო მიმზიდველი საინვესტიციო გარემოს თვალსაზრისით ერთ-ერთი წამყვანი ქვეყანაა“, -ამის შესახებ ეკონომიკისა და მდგრადი განვითარების მინისტრმა ნათია თურნავამ აშშ-საქართველოს სტრატეგიული პარტნიორობის მე-3 კონფერენციაზე გამოსვლისას განაცხადა, რომლის ერთ-ერთი სესიის სახელწოდება იყო: „ვაჭრობა და კომერცია: რეგიონალური ჰაბი ეკონომიკური ზრდისთვის“.

ეკონომიკისა და მდგრადი განვითარების მინისტრმა კონფერენციის მონაწილეებს, რომელთა შორისაც იყვნენ ინვესტორები აშშ-დან, საერთაშორისო რეიტინგებში საქართველოს წარმატების შესახებ გააცნო და განაცხადა, რომ საერთაშორისო საფინანსო ინსტიტუტები ადასტურებენ პოზიტიურ მოლოდინებს საქართველოს ეკონომიკური განვითარების მიმართ.

ქვეყნის ეკონომიკურ ტენდენციებზე საუბრისას ნათია თურნავამ განაცხადა, რომ ინვესტიციები რეალურ სექტორში (ძირითადად ენერგეტიკა და ტრანსპორტი), ექსპორტის დივერსიფიკაცია, ბიზნესგარემოს შემდგომი გაუმჯობესება და ტურისტული ნაკადების გაზრდა იქნება მთავარი მამოძრავებელი ფაქტორები, რაც დადებითად აისახება საქართველოს ეკონომიკურ საქმიანობაზე.

ამასთან, მისი თქმით, სტრუქტურული რეფორმების შედეგად მშპ-ის ზრდის პოტენციური დონე კიდევ უფრო გაიზრდება. ჩვენ ველოდებით, რომ უახლოეს წლებში ზრდის ტემპი მის პოტენციურ დონეს გადააჭარბებს.

ნათია თურნავა აშშ -ში საქართველოს პრემიერ-მინისტრისა და სამთავრობო დელეგაციის ვიზიტის ფარგლებში იმყოფება.

ინფორმაციას ეკონომიკის სამინისტრო ავრცელებს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს