„ნაციონალურმა მოძრაობამ“  წარადგინა ინიციატივა, რომელიც პარლამენტის საბიუჯეტო ოფისის სამეთვალყურეო საბჭოს თავმჯდომარის დანიშვნის წესის ცვლილებას გულისხმობს

საპარლამენტო ფრაქცია „ნაციონალურმა მოძრაობამ“ პარლამენტში განსახილველად ახალი საკანონმდებლო ინიციატივა წარადგინა, რომელიც პარლამენტის საბიუჯეტო ოფისის სამეთვალყურეო საბჭოს თავმჯდომარის დანიშვნის წესის ცვლილებას გულისხმობს. ამის შესახებ „ინტერპრესნიუსს“ „ერთიანი ნაციონალური მოძრაობიდან“ აცნობეს.

„რეგლამენტში არსებული მოქმედი ჩანაწერით, პარლამენტის საბიუჯეტო ოფისის კოორდინაციისათვის იქმნება სამეთვალყურეო საბჭო, რომელსაც ხელმძღვანელობს პარლამენტის თავმჯდომარე. აღსანიშნავია ის გარემოება, რომ დღემდე აღნიშნული საბჭო არ შექმნილა. შესაბამისად, პარლამენტი ვერ უზრუნველყოფს საბიუჯეტო ოფისის სამეთვალყურეო საბჭოს ფუნქციონირებას და, აქედან გამომდინარე, საბიუჯეტო ოფისი სრულყოფილად მასზე დაკისრებულ მოვალეობას ვერ ასრულებს.

ინიცირებული რეგლამენტის პროექტი მიზნად ისახავს პარლამენტის საბიუჯეტო ოფისის საქმიანობის კოორდინაციის გაუმჯობესებას და პარლამენტის წინაშე ანგარიშვალდებულების გაზრდას. აღნიშნული ცვლილებით, პარლამენტის საბიუჯეტო ოფისის სამეთვალყურეო საბჭოს თავმჯდომარე ნაცვლად პარლამენტის თავმჯდომარისა, უნდა იყოს უმრავლესობის გარეთ მყოფი პარლამენტის წევრების მიერ არჩეული პირი.

„ნაციონალური მოძრაობის“ მიერ წარდგენილი რეგლამენტის პროექტის მიღება უზრუნველყოფს პარლამენტის საბიუჯეტო ოფისის სამეთვალყურეო საბჭოს შექმნასა და ფუნქციონირებას, რაც გამოიწვევს საბიუჯეტო ოფისის საქმიანობის კოორდინირებისა და ანგარიშვალდებულების ზრდას. ასევე, ცვლილების შედეგად გაიზრდება საბიუჯეტო საქმიანობაში საპარლამენტო უმცირესობის როლი“, - აღნიშნულია ინფორმაციაში.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 05.08.2020
გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა