გიგი წერეთელმა აზერბაიჯანის პრეზიდენტთან დავით გარეჯის საკითხზე ისაუბრა

„ევროპული საქართველოს“ ერთ-ერთი ლიდერი გიგი წერეთელი ეუთო-ს საპარლამენტო ასამბლეის პრეზიდენტის რანგში აზერბაიჯანის პრეზიდენტს შეხვდა და დავით გარეჯის საკითხზე ისაუბრა.

როგორც „ინტერპრესნიუსს“ გიგი წერეთელმა განუცხადა, მას შეხვედრები ასევე ჰქონდა აზერბაიჯანის საგარეო საქმეთა მინისტრთან და პარლამენტის თავმჯდომარესთან, რომლებთანაც დავით გარეჯის საკითხზე ფართოდ ისაუბრა.

გიგი წერეთელის თქმით, მიუხედავად იმისა, რომ მისი შეხვედრების მიზანი და თემა სულ სხვა იყო, მხარეები ამ საკითხზე საუბარს ვერ გაექცეოდნენ. ამასთან, წერეთლის თქმით, აზებაიჯანის სურვილია, აღნიშნული საკითხი მშვიდობიანი გზით, მშვიდ გარემოში გადაწყდეს.

„საუბარი მქონდა დავით გარეჯის საკითხზე, მეტ-ნაკლებად საგარეო საქმეთა მინისტრთან და პარლამენტის თავმჯდომარესთან უფრო მეტად შევეხეთ ამ საკითხს. დეტალიზაცია ჩვენი შეხვედრების დროს არ ყოფილა რა და როგორ წარიმართოს, თუმცა საერთო პოზიცია არის ის, რომ მეზობელ და მეგობარ ქვეყნებს შორის, ნებისმიერი საკითხი, მითუმეტეს, ეს თემა უნდა გადაწყდეს მშვიდობიანი გზით, მშვიდ გარემოში, ზედმეტი დაძაბულობის გარეშე, რაც ავნებს საქმეს. ეს არ არის ახალი თემა, თუმცა ახლებულად წამოიწია წინ და გაჩნდა ტალღა, რომელიც შესაძლებელია საწინააღმდეგოდ იყოს გამოყენებული ჩვენს ურთიერთობებში. ეს საფრთხეები არსებობს“, - განაცხადა გიგი წერეთელმა.

მისივე თქმით, ორივე ქვეყნის საგარეო საქმეთა სამინისტროები მუშაობენ, რათა შემუშავდეს გარკვეული მოდელები, როგორ უნდა მოხდეს ამ საკითხის გადაწყვეტა.

„მე არ მიგვრძნია იქ რაიმე დაძაბულობის სურვილი. ასევე არ გვქონია საუბარი იმაზე რატომ დაიძაბა ეს საკითხი და რატომ გახდა ასე აქტუალური“, - განაცხადა წერეთელმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს