აშშ-ს პრეზიდენტის პრესმდივანი სარა სანდერსი თვის ბოლოს თანამდებობიდან გადადგება. სანდერსის გადადგომის სავარაუდო მიზეზად მისი პოლიტიკაში ჩართვა სახელდება. პირველ ეტაპზე ის ზაფხულის არდადეგებზე შვილებთან ერთად დასვენებას აპირებს, შემდეგ კი, მან შესაძლოა კენჭი იყაროს არკანზასის გუბერნატორის პოსტზე. ტრამპი მას ყოველმხრივ მხარდაჭერას პირდება. თავის დროზე არკანზასის გუბერნატორის პოსტი ეკავა სარა ჰაკაბი-სანდერსის მამას მაიკ ჰაკაბის.