სტუ-ის პროფესორებმა გიორგი გაგოშიძემ და გიგა ქვარცხავამ  სოფლის მეურნეობის მეცნიერებათა აკადემიის კონკურსში გაიმარჯვეს

საქართველოს ტექნიკური უნივერსიტეტის პროფესორს, სოფლის მეურნეობის მეცნიერებათა დოქტორს, გიორგი გაგოშიძეს საქართველოს სოფლის მეურნეობის მეცნიერებათა აკადემიის ნამდვილი წევრის (აკადემიკოსი) სტატუსი მიენიჭა, აკადემიის სტიპენდიანტი კი სტუ-ის აგრარული მეცნიერებებისა და ბიოსისტემების ინჟინერენგის ფაკულტეტის დეკანი, ქიმიის აკადემიური დოქტორი, პროფესორი გიგა ქვარცხავა გახდა.

როგორც „ინტერპრესნიუსს“ ტექნიკური უნივერსიტეტიდან აცნობეს, საქართველოს სოფლის მეურნეობის მეცნიერებათა აკადემიის ნამდვილი წევრისა და სტიპენდიანტების გამოვლენა აკადემიის საერთო კრებაზე, ვაკანტური ადგილების დასაკავებლად გამოცხადებული კონკურსის შესაბამისად, აკადემიის პრეზიდენტის, აკადემიკოს გურამ ალექსიძის ბრძანებით შექმნილი საექსპერტო-საკონკურსო კომისიის მიერ მომზადებული დასკვნისა და ფარული კენჭისყრის საფუძველზე მოხდა.

მათივე ინფორმაციით, აკადემიის ნამდვილი წევრისა და სტიპენდიატების გამოსავლენად კონკურსი სამეცნიერო განყოფილების მიხედვით ჩატარდა. სტუ-ის პროფესორმა გიორგი გაგოშიძემ აკადემიის ნამდვილი წევრის სტატუსი სატყეო საქმის სამეცნიერო განყოფილებაში, ხოლო სტუ-ის პროფესორმა გიგა ქვარცხავამ აკადემიის სტიპენდიანტის სტატუსი აგრონომიის სამეცნიერო განყოფილებაში დაიკავა.

ალექსანდრე თვალჭრელიძე - საქართველოსთვის ნატოსთან ინტეგრაციის ლოდინი იქამდე, ვიდრე საქართველო გამთლიანდება, ჩვენი სასიცოცხლო ინტერესების ღალატია
ქართული პრესის მიმოხილვა 18.09.2019
საქართველოს საგარეო პოლიტიკა - ნაბიჯები მომავლისკენ
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან