მექსიკას სამხრეთიდან ლტოლვილების ნაკადი მიაწყდა

ლტოლვილებმა ცენტრალური ამერიკიდან, რომლებსაც აშშ-ში მოხვედრა სურთ, მექსიკის სამხრეთ საზღვარზე ფაქტობრივად, იერიში მიიტანეს. ლტოლვილების გააქტიურება იმ გარემოებას უკავშირდება, რომ რამდენიმე დღეში ვაშინგტონთან მიღწეული შეთანხმების თანახმად, მექსიკა საზღვარს ჩაკეტავს.

როგორც „როიტერსი“ წერს, ლტოლვილები ცდილობენ საზღვარი გადალახონ ნებისმიერი საშუალებით, როგორც ტყეების გავლით, ასევე ტივებით მდინარეზე. ამ სახიფათო ხელოვნური თუ ბუნებრივი ბარიერების გადალახვას არ ერიდებიან არც ისეთი ოჯახები, რომელთა წევრებიც მცირეწლოვანი ბავშვები და ფეხმძიმე ქალები არიან.

მექსიკის საგარეო საქმეთა მინისტრის, მარსელო ებრარდის განცხადების თანახმად, ეროვნული გვარდიის 6 ათასი სამხედრო მოსამსახურის საზღვარზე განლაგების პროცესი გუშინ უნდა დაწყებულიყო, თუმცა „როიტერმა“ სამხედროების მოძრაობა ქვეყნის სამხრეთში ვერ დააფიქსირა.

მექსიკის ხელისუფლება პარალელურად მოლაპარაკებებს აწარმოებს გეგმის შესრულების მიზნით როგორც აშშ-სთან, ასევე მის სამხრეთით მდებარე ცენტრალური ამერიკის სახელმწიფოების ხელმძღვანელებთან.

მექსიკის სამხრეთ საზღვარს ცენტრალური ამერიკიდან მიმავალი მიგრანტები მიაწყდნენ

ალექსანდრე თვალჭრელიძე - საქართველოსთვის ნატოსთან ინტეგრაციის ლოდინი იქამდე, ვიდრე საქართველო გამთლიანდება, ჩვენი სასიცოცხლო ინტერესების ღალატია
ქართული პრესის მიმოხილვა 18.09.2019
საქართველოს საგარეო პოლიტიკა - ნაბიჯები მომავლისკენ
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან