ამბოხებულმა ჰუსიტებმა უკანასკნელი სამი დღის განმავლობაში საუდის არაბეთის აეროპორტზე იერიში უკვე მეორედ მიიტანეს.
ჰუსიტების მიერ გაშვებული ხუთი სამხედრო დრონის სამიზნე ამჯერადაც აბჰას საერთაშორისო აეროპორტი და მიმდებარე ქალაქი ხამის მუშაიტი იყო.
საუდის არაბეთის ოფიციალური პირების განცხადებით, ქვეყნის საჰაერო ძალებმა დრონების ჩამოგდება იქამდე მოახერხეს, სანამ ისინი მიზანს მიაღწევდნენ, შესაბამისად, შემთხვევის შედეგად არავინ დაშავებულა და აეროპორტიც ჩვეულ რეჟიმში აგრძელებს მუშაობას.
ამბოხებულმა ჰუსიტებმა იმავე ლოკაციაზე იერიში ორი დღის წინაც განახორციელეს, შედეგად 26 ადამიანი დაშავდა.