საქართველოს მთავრობის 14 ივნისის დადგენილებით, საქართველოს ტერიტორიაზე სახელმწიფო მნიშვნელობის სიმბოლოების აღმართვის გამოფენისა და გამოსახვის წესები მოწესრიგდა, - ამის შესახებ „ინტერპრესნიუსს“ ჰერალდიკის საბჭოდან აცნობეს.

მათივე ცნობით, ამით განისაზღვრა საქართველოს ტერიტორიაზე სახელმწიფო დროშის და სხვა მუნიციპალური, საჯარო დაწესებულებებისა და საერთაშორისო ორგანიზაციების დროშების აღმართვისა და გამოფენას წესი, ჩვეულებრივ, გლოვისა და დღესასწაულის, საერთაშორისო და სახელმწიფოებრივი შეხვედრების პირობებში.

„დადგინა ასევე საქართველოს სახელმწიფო გერბის, საჯარო დაწესებულებების ემბლემების, მუნიციპალიტეტების გერბების გამოსახვის წესი და თანმიმდევრობა ერთობლივი გამოსახვის პირობებში.

ამასთან, საკითხის მნიშვნელობიდან გამომდინარე საქართველოს პარლამენტთან არსებული ჰერალდიკის სახელმწიფო საბჭო შეიმუშავებს საქართველოს ტერიტორიაზე უცხო ქვეყნის დროშების აღმართვისა და გამოფენის წესს, რაც მომავალში გამორიცხავს გაუგებრობებს, დაკავშირებულს უცხო ქვეყნის დროშების, მათ შორის იმ სახელმწიფოს დროშის აღმართვა-გამოფენასთან, რომელსაც საქართველოსთან აქვს გაწყვეტილი დიპლომატიური ურთიერთობები ან კონფლიქტი“, - აღნიშნულია ინფორმაციაში.