პოლიციამ მთავრობის ადმინისტრაციიდან თავისუფლების მეტროს მიმართულებით კორიდორი გააკეთა, რათა „თბილისი პრაიდის“ წარმომადგენლებს მთავრობის ადმინისტრაციის მიმდებარე ტერიტორიის დატოვების საშუალება მიეცეთ.
მას შემდეგ, რაც ლგბტ თემის წარმომადგენლებმა, რომლებიც მთავრობის ადმინისტრაციასთან იმყოფებიან, ყვითელი ავტობუსებით ტერიტორიის დატოვებაზე უარი თქვეს, პოლიციამ კონტრაქციის მონაწილეები კორიდორით მარჯვენა მხარეს გადაიყვანა და თავისუფლების მეტროს მიმართულებით გასასვლელი გახსნა. კორდონის გაკეთების მიუხედავად, ლგბტ თემის წარმომადგენლები კვლავ მთავრობის ადმინისტრაციასთან რჩებიან, ისინი ხელისუფლების წარმომადგენლებისგან ელოდებიან განცხადებებს და პოზიციის დაფიქსირებას კონტრაქციაზე და ძალადობაზე, რომელსაც, მათი თქმით, მთავრობის ადმინისტრაციასთან აქვს ადგილი.