მთავრობის ადმინისტრაციასთან „თბილისი პრაიდის“ აქტივისტებთან და მხარდამჭერებთან სასულიერო პირები მივიდნენ.

დეკანოზ დავით ისაკაძესა და სამოქალაქო აქტივისტ ნატა ფერაძეს შორის კამათი გაიმართა. დეკანოზმა მთავრობის ადმინისტრაციასთან დარჩენილებს დაშლისკენ მოუწოდა და აღნიშნა, რომ ორივე მხარის ინტერესშია, არ მოხდეს ძალადობა, რის შემდეგაც ნატა ფერაძემ სასულიერო პირს მიმართა კითხვით, თუ აქციის მონაწილეთა რომელი მხრიდან მოდიოდა ძალადობის ტალღა. დეკანოზმა უპასუხა, რომ ძალადობა ლგბტების მხრიდან მოდიოდა. როგორც მან განაცხადა საზოგადოება არ დაუშვებს გარყვნილების პროპაგანდას.

კამათის დასასრულს ნატა ფერაძემ სასულიერო პირებს უცენზურო ჟესტი უჩვენა, რის შემდეგაც სასულიერო პირებმა ტერიტორია დატოვეს.