დეკანოზ დავით ისაკაძის განცხადებით, ნატა ფერაძემ მას უხამსი ჟესტი უჩვენა და შეურაცხყოფა მიაყენა. როგორც სასულიერო პირმა, აქციაზე განაცხადა, შეურაცხყოფის მიუხედავად, შესაბამის ორგანოებს რეაგირება არ ჰქონიათ. დეკანოზი დავით ისაკაძე აქციის მონაწილეებს სიმშვიდისკენ მოუწოდებს.

"ნატა ფერაძემ ამიწია შუა თითი, ამით მან დედა შემაგინა. გასარიდებელი ეს ქალია, მაგრამ ის კვლავ აქ არის. მოგიწოდებთ მშვიდობისკენ, რომ ამათ გამო არ დაგიჭირონ", -მიმართა დავით ისაკაძემ კონტრაქციის მონაწილეებს.

მისი თქმით, ეს ყველაფერი აშშ-ის საელჩოდან არის მართული.

"ეს პროცესები იმართება აშშ-დან, ამერიკის საელჩოდან. ეს არის პროვოკაცია და გთხოვთ არ აყვეთ. იდექით მშვიდობიანად და ამ .... გამო, არ დააჭერინოთ პოლიციას თავი. მთავრობაში ბევრი ადამიანია, ვინც ჩვენს გვერდით დგას, პოლიციელებიც ჩვენს გვერდით არიან",- აღნიშნა დეკანოზმა დავით ისაკაძემ.

"ქალი ხარ და როგორ იქცევი, შე საცოდავო ადამიანო!" - ნატა ფერაძემ მამა დავით ისაკაძეს შუა თითი უჩვენა