კანცელარიასთან, სადაც „თბილისი პრაიდის“ აქტივისტების წინააღმდეგ საპროტესტო აქცია მიმდინარეობს, ალექსანდრე ფალავანდიშვილი დაბრუნდა. როგორც ცნობილია, ის პოლიციამ დღეს კანცელარიის წინ მიმდინარე კონტრაქციაზე დააკავა ადმინისტრაციული წესის დარღვევის გამო. მასთან ერთად პოლიციამ დღეს კიდევ რამდენიმე პირი დააკავა.
"ერთ-ერთი პირველი მე დამაკავეს და პირველივე გამომიშვეს, თუმცა ჩემს გარდა დაახლოებით კიდევ 10 ადამიანი რჩება საპატიმროში. ადამიანები, რომლებიც ლგბტ თემის აქციას აპროტესტებენ", - განაცხადა ფალავანდიშვილმა.
კონტრაქციის მონაწილეები მთავრობის კანცელარიასთან რჩებიან. მათი თქმით, ტერიტორიას არ დატოვებენ, ვიდრე ლგბტ თემის თითოეული წარმომადგენელი არ დატოვებს კანცელარიის ტერიტორიას.