მთავრობის ადმინისტრაციასთან დარჩენილი უფლებადამცველები და „თბილისი პრაიდის“ მხარდამჭერები აცხადებენ, რომ არ დაიშლებიან, სანამ კონტრაქცია არ დაიშლება. მათთან პოლიციის თანამშრომლები მივიდნენ და შესთავაზეს გაცილება, თუმცა აქტივისტებმა აღნიშნეს, რომ აქცია დასრულებულია, თუმცა ამის მიუხედავად, ისინი მთავრობის ადმინისტრაციასთან რჩებიან.
მათი თქმით, მათ აქვთ უფლება, იყვნენ იქ, სადაც უნდათ და არ შეასრულებენ "ნეონაცისტური, ნეოფაშისტური თუ სხვა ამ სახის ჯგუფების მითითებებს, რომლებიც მათ წასვლას ითხოვენ".
როგორც მთავრობის ადმინისტრაციასთან მყოფი აქტივისტები ამბობენ, ისინი უმთავრეს ღირებულებას - სიტყვისა და გამოხატვის თავისუფლებას იცავენ.