მთავრობის ადმინისტრაციის ტერიტორია „თბილისი პრაიდის“ კიდევ რამდენიმე მხარდამჭერმა დატოვა. თუმცა ადგილზე რჩებიან ნატა ფერაძე, ელენე ხოშტარია და კიდევ რამდენიმე აქტივისტი.
თავდაპირველად მათ ტერიტორიის დატოვების გადაწყვეტილება მიიღეს, თუმცა მოგვიანებით, ნატა ფერაძემ უარი განაცხადა პოლიციის კორიდორით სარგებლობაზე და ამბობს, აქვს უფლება, სახლში იმ გზით წავიდეს, რომლითაც სურს.
რაც შეეხება მთავრობის ადმინისტრაციასთან დარჩენილ სხვა სამოქალაქო აქტივისტებს, მათი თქმით, ისინი არ დაიშლებიან, ვიდრე კონტრაქცია არ დასრულდება.