თამარ ჩუგოშვილი - პარტნიორი ქვეყნების და ელჩების მიმართ განსაკუთრებული აგრესია მანიშნებელია, ვისი ინტერესები შეიძლება იდგეს იმ აგრესიული ჯგუფების მიღმა, რომელიც გუშინ ვიხილეთ

განსაკუთრებული აგრესია იყო ჩვენი პარტნიორი ქვეყნების და მათი ელჩების მიმართ. ეს მანიშნებელია, ვისი ინტერესები შეიძლება იდგეს იმ აგრესიული ჯგუფების მიღმა, რომელიც გუშინ ვიხილეთ,- ამის შესახებ პარლამენტის პირველმა ვიცე-სპიკერმა თამარ ჩუგოშვილმა ჟურნალისტებს განუცხადა.

როგორც ჩუგოშვილმა აღნიშნა, აგრესიული ჯგუფების მიღმა რუსეთის ინტერესებია.

„ის განცხადებები, რომელსაც ვისმენთ, არის ძალადობის წამახალისებელი. ეს ფაქტია და ჩანს. რაც შეეხება კონკრეტულად სამართლებრივ გადაცდომებს, არის თუ არა ნიშნები, ამას მე ვერ გეტყვით, ეს უნდა თქვას გამოძიებამ. თუ ჩათვლის საჭიროდ, შეისწავლის ამ მოწოდებებს. ზოგადად, მუქარა წარმოადგენს დანაშაულს, ოღონდ, უნდა იყოს რეალური მუქარა. არის თუ არა დანაშაულის შემადგენლობა, ამას მე ვერ დავადგენ, ეს უნდა დაადგინოს შესაბამისმა ორგანოებმა. რომც არ იყოს დანაშაულის ნიშნები შიგნით, ძალადობისკენ მოწოდება, ვფიქრობ, ნებისმიერ შემთხვევაში ცუდი რამ არის",- განაცხადა ჩუგოშვილმა.

კითხვაზე, რატომ გააქტიურდა ლევან ვასაძე და რამდენად მისაღებია მისი მხრიდან ამერიკის და ევროპის ხსენება ცუდ კონტექსტში, ჩუგოშვილმა განაცხადა, რომ ეს განცხადებები სხვების მხრიდანაც ისმოდა, რაც სრულიად მიუღებელია.

გუშინ, მთავრობის ადმინისტრაციასთან „თბილისი პრაიდის“ ორგანიზატორებს აქციის გამართვა ჰქონდათ დაანონსებული, თუმცა მანამდე მთავრობის ადმინისტრაციასთან ლევან ვასაძე და მისი თანამოაზრეები მივიდნენ. მათ „თბილისი პრაიდის“ ორგანიზატორებს აქციის ჩატარების უფლება არ მისცეს. ადგილზე მობილიზებული იყვნენ დიდი რაოდენობით სამართალდამცეველები. „თბილისი პრაიდის“ ორგანიზატორებსა და კონტრაქციას შორის პოლიციის კორდონი იყო. ადგილზე ვითარება რამდენჯერმე დაიძაბა. სამართალდამცავებმა 28 ადამიანი დააკავეს.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან