საქართველოს პარლამენტის პირველი ვიცე-სპიკერის თამარ ჩუგოშვილის განცხადებით, დავით გარეჯთან დაკავშირებით ორივე მხარე ცდილობს, საზღვრების დადგენის პროცესი ისევ არ გაიყინოს და პროგრესი ამ კუთხით გვქონდეს.

როგორც ჩუგოშვილმა ჟურნალისტებს „პატრიოტთა ალიანსის“ მიერ დაგეგმილ აქციასთან დაკავშირებით განუცხადა, პარლამენტის წევრებს აქვთ შესაძლებლობა საპარლამენტო ფორმატებში მიიღონ ინფორმაცია და ამისთვის აქციები აუცილებელი არ არის.

„დავით გარეჯთან დაკავშირებით ყოველთვის სიფრთხილეა საჭირო. მე რა ინფორმაციაც მაქვს, ორივე მხარე ცდილობს საზღვრების დადგენის პროცესი ისევ არ გაიყინოს და პროგრესი ამ კუთხით გვქონდეს. რთული თემაა და მარტივად ვერ მოგვარდება, მაგრამ მცდელობა, ბუნებრივია, არის. ვფიქრობ, პარლამენტის წევრებს აქვთ შესაძლებლობა საპარლამენტო ფორმატებში მიიღონ ეს ინფორმაცია, ამისთვის აქციები აუცილებელი არ არის. თუმცა, მათი უფლებაა თუნდაც ამ თემაზე შეიკრიბონ",- განაცხადა ჩუგოშვილმა.