ფოთში ტაეკვონდოს  ჩემპიონატზე ფიზიკური დაპირისპირება მოხდა, დაკავებულია სამი მწვრთნელი

ფოთში ტაეკვონდოში საქართველოს ღია ჩემპიონატზე ერთმანეთს ტაეკვონდოს ფედერაციის გამგეობის წევრები და მწვრთნელები ერთმანეთს ფიზიკურად დაუპირისპირდნენ, რის შემდეგაც სამი მწვრთნელი დააკავეს, - ამის შესახებ „ინტერპრესნიუსს“ მწვრთნელებმა აცნობეს.

მათი თქმით, 7 წელია საქართველოს ტაეკვონდოს ეროვნულ ფედერაციას სულხან ბაბუაძე მართავს და მისი მუშაობით უკმაყოფილოები არიან. მწვრთნელების განცხადებით, ისინი პრეზიდენტს ბოიკოტს უცხადებენ და მის გადაყენებას მოითხოვენ. დღეს მწვრთნელები ფედერაციის პრეზიდენტთან შეხვედრას ითხოვდნენ, თუმცა მათივე თქმით, გამგეობის წევრებმა პროვოკაცია მოაწყვეს, რაც ფიზიკურ და სიტყვიერ დაპირისპირებაში გადაიზარდა. დაკავებული მწვრთნელები ფოთის პოლიციაში იმყოფებიან.

,,ინციდენტი გამოიწვია ფედერაციის არასწორმა მმართველობამ. ეს წლების განმავლობაში დაგროვილი პრობლემაა. მწვრთნელების 95% ამ პრეზიდენტს სამი თვეა ბოიკოტს უცხადებს. ეს ადამიანი ყველაფრის იგნორირებას ახდენს. დღეს ამ ქალაქში ტარდებოდა ღია ჩემპიონატი, სადაც მონაწილეობა უნდა მიეღო 350-ზე მეტ სპორტსმენს, თუმცა ასპარეზობდა დაახლოებით 60 სპორტსმენი. დიდი ხანია ვითხოვთ ბაბუაძესთან შეხვედრას, რომ ჩატარდეს ყრილობა, მაგრამ 2016 წლიდან არ ჩატარებულა. ვინ რა საკითხებს წყვეტს, საერთოდ არა ვიცით. წარმოდგენა არ გვაქვს, ვინ არიან ფედერაციის წევრები,“-განუცხადა „ინტერპრესნიუსს“ კლუბ ,,დოჯოს“ მწვრთნელმა შოთა გოჩიაშვილმა.

შსს ინფორმაციით, გამოძიება სსკ-ის 126-ე მუხლით აღიძრა, რაც ძალადობას გულისხმობს. ფოთის პოლიციასთან შეკრებილი არიან ტაეკვონდოს მწვრთნელები და დაკავებულების დაუყოვნებლივ გათავისუფლებას ითხოვენ.

ფოთში ტაეკვანდოს ჩემპიონატზე ფიზიკური დაპირისპირება მოხდა - დაკავებულია 3 მწვრთნელი

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
ახალი ზოოპარკი და ახალი ბინადრები, რომელთა ნახვაც დამთვალიერებლებს შეეძლებათ - რა ეტაპზეა თბილისის ზღვაზე ახალი ტერიტორიის მოწყობა?
ქართული პრესის მიმოხილვა 18.03.2024
კავკასიის ავტომარკეტი - ავტომობილის ყიდვის ახლებური გამოცდილება
ქართული ღვინის წარმატება იაპონიაში - TSV Estate Winery-მ განსაკუთრებული მოწონება დაიმსახურა
ახალი „ბაკურიანი“ ხილის გემოთი - ნატურალური მინერალური წყალი, ბაკურიანის მთებიდან, ნაკლები შაქრით