ტაეკვონდოს ფედერაციის პრეზიდენტი - ჩვენი ფედერაცია არ არის ქურდული გარჩევის ადგილი

ძალიან ცუდი ფაქტი მოხდა, ეს არ უნდა მომხდარიყო, - ამის შესახებ ჟურნალისტებს საქართველოს ტაეკვონდოს ფედერაციის პრეზიდენტმა სულხან ბაბუაძემ ფოთის პოლიციის შენობდან გამოსვლის შემდეგ განუცხადა.

მისი თქმით, არის მწვრთნელების გარკვეული ჯგუფი, რომელიც შეეცადა ჩემპიონატის ჩაშლას.

,,ძალიან ცუდი ფაქტი მოხდა, ეს არ უნდა მომხდარიყო. გარკვეული მწვრთნელები შეეცადნენ, რომ ჩაეშალათ ჩემპიონატი, რომელიც ფოთში იმართება. მოხდა სიტყვიერი და ფიზიკური დაპირისპირება. ერთ-ერთი მწვრთნელი გაიყვანეს გვერდზე და სცემეს. ჩვენი ფედერაცია არ არის ქურდული გარჩევის ადგილი. ეს არის ფედერაცია, რომელიც მუშაობს რეგიონებში ტაეკვონდოს განვითარებაზე. ამ ეტაპზე მიმდინარეობს გამოძიება და დაველოდოთ მას”, - განაცხადა სულხან ბაბუაძემ.

ფოთში ტაეკვანდოს ღია ჩემპიონატზე ფიზიკური დაპირისპირება მოხდა, რომლის შემდეგ სამი მწვრთნელი დააკავეს. დაკავებული მწვრთნელების მხარდამჭერები აცხადებენ, რომ ისინი ბოიკოტს უცხადებენ ფედერაციის პრეზიდენტ სულხან ბაბუაძეს და ფიზიკური დაპირისპირება მისი მომხრეების პროვოცირებული იყო. თავის მხრივ, ბაბუაძის მხარდამჭერები პროვოკაციაში მწვრთნელთა ნაწილს ადანაშაულებს.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!