პარლამენტის ფრაქცია “პატრიოტთა ალიანსი და სოციალ-დემოკრატები“ „საფინანსო კომპანია საქართველოსთან“ დაკავშირებით დროებითი საგამოძიებო კომისიის შექმნის ინიციატივით გამოდის.
პარლამენტის ბიუროს დღევანდელ სხდომაზე დადგენილების პროექტი წარედგინება, რომლის მიხედვით, საგამოძიებო კომისიის გამოსაკვლევი საკითხია შპს “საფინანსო კომპანია საქართველოს“ საქმიანობა, აგრეთვე ერონული ბანკის, სხვა სახელმწიფო ორგანოების, ადგილობრივი თვითმმართველობის ორგანოების და თანამდებობის პირების მიერ კანონმდებლობის დარღვევის ფაქტების გამოკვლევა.
როგორც დადგენილების პროექტშია ნათქვამი, კომისიამ უნდა შეიწავლოს, რამდენად ადეკვატური იყო ეროვნული ბანკის რეაგირება, შეიძლებოდა თუ არა ამ და სხვა სახელმწიფო ორგანოების მხრიდან სათანადო, დროული და ეფექტური რეაგირების შემთხვევაში, ფაქტობრივად დამდგარი ზარალის თავიდან აცილება. კომისიამ ასევე უნდა დაადგინოს, რამდენად იკვეთება საქმეში თანამდებობის პირთა და მოხელეთა დანაშაულებრივი გულგრილობა.