აზერბაიჯანის ერთ-ერთი სოფლის ბაზარში სროლის შედეგად, 4 ადამიანი დაიღუპა
აზერბაიჯანის დასავლეთში, სოფელ ბეიუკ-კესიკის ბაზარში სროლის შედეგად, 4 ადამიანი დაიღუპა და 8 დაიჭრა. დაღუპულებს შორის არის ქალი და მისი ორი ბავშვი. დაჭრილები საავადმყოფოში გადაიყვანეს.
„რია ნოვოსტის“ ინფორმაციით, სროლა ციხიდან ცოტა ხნის წინ გათავისუფლებულმა პირმა დაიწყო. ინციდენტის მიზეზი ოჯახებს შორის სისხლიანი დაპირისპირება გახდა. დამნაშავე პოლიციას უკვე ჩაბარდა.
