გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება.

როგორც „ინტერპრესნიუსს“ „ენერგო-პრო ჯორჯიადან“ აცნობეს, გამანაწილებელ ქსელში დაგეგმილი სარეაბილიტაციო სამუშაოების გამო, 18 ივნისს 12:00 საათიდან 17:00 საათამდე ენერგომომარაგება დროებით შეეზღუდება დუშეთის მუნიციპალიტეტის სოფლებს მაღაროსკარი, ბარისახო, ჩარგალი, გუდრუხი, შუაფხო, ლაუშა და მიმდებარე სოფლებს.

სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.