ნინო ლომჯარია - ფაქტია, რომ ლგბტ თემს ამ ქვეყანაში არ აქვს თავისუფალი შეკრების შესაძლებლობა

ფაქტია, რომ ლგბტ თემს ამ ქვეყანაში არ აქვს თავისუფალი შეკრების შესაძლებლობა, - ასე აფასებს სახალხო დამცველი, ნინო ლომჯარია დაანონსებული ლგბტქ პრაიდის კვირეულის ჩატარების შესახებ შინაგან საქმეთა სამინისტროს პოზიციას, რომ პრაიდი არ უნდა ჩატარდეს.

სახალხო დამცველის თქმით, დღემდე პრობლემად რჩება ლგბტ თემის შეკრებისა და გამოხატვის თავისუფლება.

„მე ვფიქრობ, რომ ამ თემს თავისუფალი შეკრების შესაძლებლობა ქვეყანაში არ აქვს და ეს არის ფაქტი. რეალურად ის, რომ ისინი შეიკრიბნონ თუნდაც ათასი პოლიციის კორდონით გარშემორტყმულნი, არ ცვლის ვითარებას. ფაქტი ფაქტად რჩება, დღემდე პრობლემად რჩება მათი თავისუფალი შეკრებისა და გამოხატვის უფლება, თუმცა გარკვეული ლოგიკაც არსებობს იმაში, რომ შეიძლება უსაფრთხოების რისკებიდან გამომდინარე, გარკვეული საკითხები იქნეს გათვალისწინებული, მაგრამ საბოლოდ, ეს არის ამ ადამიანების გადასაწყვეტი გამართავენ თუ არა ამ ტიპის მარშს და მსვლელობას. ეს სწორედ ამ თემის გადასაწყვეტია“, - განაცხადა ლომჯარიამ.

დავით ნარმანია - თუ არ გვინდა გაგვიძვირდეს ტარიფები, უნდა ავაშენოთ ჰესები
ქართული პრესის მიმოხილვა 22.10.2019
დიმიტრი შველიძე  -  მომავალი პარლამენტი ნაყიდი დეპუტატებით და ფრაქციებით აივსება
სასტუმრო „რადისონ ბლუ ივერიამ“ 10 წლის იუბილე აღნიშნა