ნათია თურნავა კითხვაზე, ჩაანაცვლებს თუ არა პრემიერის პოსტზე ბახტაძეს ცქიტიშვილი - ნაადრევად ნუ გავავრცელებთ უსაფუძვლო ხმებს, ეს ბიზნესს არაპროგნოზირებადობის განცდას უქმნის

მე როგორც ეკონომიკის მინისტრმა, მინდა მოგიწოდოთ, ნაადრევად ნუ გავავრცელებთ უსაფუძვლო ხმებს, - ამის შესახებ ჟურნალისტებს ეკონომიკისა და მდგრადი განვითარების მინისტრმა ნათია თურნავამ პრემიერ-მინისტრის პოსტზე მამუკა ბახტაძის მაია ცქიტიშვილით შესაძლო ჩანაცვლებასთან დაკავშირებით კითხვის საპასუხოდ განუცხადა.

ეკონომიკის მინისტრის თქმით, უსაფუძვლო ინფორმაციის გავრცელება საკადრო ცვლილებების შესახებ ბიზნესს არაპროგნოზირებადობის განცდას უქმნის.

„მე როგორც ეკონომიკის მინისტრმა მინდა მოგიწოდოთ, ნაადრევად ნუ გავავრცელებთ უსაფუძვლო ხმებს, იმიტომ, რომ სხვა ყველაფერთან ერთად, ეს ქმნის არაპროგნოზირებად განცდას და ბიზნესებს არ უყვართ არაპროგნოზირებადი გარემო, თუ შეიძლება ამას ნუ შევუწყობთ ხელს“,-აცხადებს მინისტრი.

ამასთან, როგორც ნათია თურნავამ შესაძლო საკადრო ცვლილებებთან, მათ შორის ჯანდაცვის მინისტრ დავით სერგეენკოს შესაძლო გადადგომასთან დაკავშირებით განაცხადა, საკადრო ცვლილებები პრემიერ-მინისტრის პრეროგატივაა.

„მოგეხსენებათ საკადრო ცვლილებები წარმოადგენს საქართველოს პრემიერ-მინისტრის პრეროგატივას, აქედან გამომდინარე, ის იღებს გადაწყვეტილებას სხვადასხვა ცვლილებებთან დაკავშირებით, თუ ამის საჭიროებას დაინახავს და ყოველთვის ხდება ასეთი ცვლილების დასაბუთება, მე ვერაფერს დაგიდასტურებთ, ეს არ არის ჩემი კომპეტენცია“,-აცხადებს ნათია თურნავა.

რასიმ მუსაბეკოვი  -  ის, რასაც პოსტსაბჭოთა სივრცეში სეპარატისტული „ბარდაკი“ ჰქვია, უნდა დასრულდეს
სტეპან გრიგორიანი - თუ აზერბაიჯანულ-სომხურ დაპირისპირებაში  თურქეთი ჩაერევა, ასეთ შემთხვევაში ამ პროცესში რუსეთიც ჩაერთვება
ქართული პრესის მიმოხილვა 30.09.2020
გიორგი მელიქიძე - საპენსიო სააგენტოს საინვესტიციო საქმიანობის შედეგი გამოიხატება მონაწილეებისათვის ადეკვატური პენსიით
წარმოების სრული ავტომატიზაცია - „გზაჯვარედინისა“ და BDO-ს პარტნიორობის წარმატებული ქეისი
ფინკა ბანკის მმართველ გუნდს ირაკლი ელაშვილი უხელმძღვანელებს
ჰიუნდაი ავტო საქართველო საშემოდგომო ფასდაკლებების აქციას იწყებს
"მადლიერების ჩიტი" ბატონ ჯემალ ჭკუასელს