თბილისის მუნიციპალიტეტის მეტროპოლიტენი არ ადასტურებს ინფორმაციას, რომ მეტროს პირველ ხაზზე ტექნიკური ხარვეზი დაფიქსირდა.
როგორც „ინტერპრესნიუსს“ თბილისის მეტროპოლიტენში განუცხადეს, მეტროსადგურ „300 არაგველებზე“ შემადგენლობი შეიცვალა და მგზავრები სხვა შემადგენლობაში გადასვეს. თავად მატარებელი კი ჩიხში შევიდა, საიდანაც დეპოში გადავა. მეტროპოლიტენში განმარტავენ, რომ მოძრაობა ჩვეული განრიგით მიმდინარეობს.