ბათუმი მეწარმე ქალების პროდუქციის გამოფენა-გაყიდვას მასპინძლობდა, რომელშიც მონაწილეობას პროექტის “ქალთა ეკონომიკური გაძლიერების “ ბენეფიციარები იღებდნენ.
როგორც „ინტერპრესნიუსს“ საქართველოს ფერმერთა ასოციაციიდან აცნობეს, გამოფენა-გაყიდვა ორდღიანი ფორუმის „ქალთა ეკონომიკური გაძლიერების“ ფარგლებში გაიმართა, რომელიც გაეროს ქალთა ორგანიზაციისა და ბიზნესლიდერთა ფედერაცია ქალები მომავლისთვის Women for Tomorrow მიერ იყო ორგანიზებული.
მათივე ინფორმაციით, ფორუმი პანელურ ფორმატში წარიმართა, სადაც მონაწილეობა საქართველოს ფერმერთა ასოციაციის წარმომადგენლებმაც მიიღეს.
ფორუმის ბიზნესკავშირების პანელურ ნაწილში საქართველოს ფერმერთა ასოციაციამ ელექტრონულ პლათფორმაზე მობილურ აპლიკაცია აგრონავტისა და სოფლიდან.ჯი-ს შესაძლებლობებსა და სამომავლო გეგმებზე ისაუბრა.
ქალების ფორუმის მიზანი ქალთა გაძლიერების პროცესში ბიზნესკომპანიების როლისა და წარმატებული ქალების ისტორიების წარმოჩენაა.
პროექტის მონაწილე ქალი მეწარმეები სხვადასხვა საქმიანობას ეწევიან, მათ შორის, სასტუმრო ბიზნესს, მეღვინეობასა და ფერმერობას. პროექტის ფარგლებში მიღებული ცოდნითა და ფინანსური მხარდაჭერით, მეწარმე ქალებმა საკუთარი წარმოება გაზარდეს და დამატებით ადგილობრივი მოსახლეობა დაასაქმეს.
“ქალთა ეკონომიკური გაძლიერება“, რომლის პარტნიორი საქართველოს ფერმერთა ასოციაციაა, გაეროს ქალთა ორგანიზაციის მიერ ინიცირებული პროექტია და ნორვეგიის საგარეო სამინისტროს ფინანსური მხარდაჭერით ხორციელდება.