შესაძლო ტერაქტების თავიდან არიდების მიზნით, ესპანეთის ხელისუფლება ქვეყნის პოპულარულ კურორტებზე 40 ათასამდე პოლიციელს განათავსებს. ამის შესახებ ადგილობრივი მედია ქვეყნის შსს-ზე დაყრდნობით იუწყება.
არსებული ინფორმაციით, ეროვნული პოლიციისა და სამოქალაქო გვარდიის ძალები განთავსდებიან ასევე, სადგურებში, ხიდებზე, სასტუმროებში, კემპინგებზე, პლაჟებზე და სხვა ტურისტულ ადგილებში ოპერაციის ფარგლებში, რომლის სახელწოდებაა Operación Verano 2019.
პოლიცია გაძლიერებულად 1 ივლისიდან 31 აგვისტომდე, ქვეყნის ზოგიერთ ნაწილში კი 30 სექტემბრამდე პერიოდში იმუშავებს.