საგარეო უწყება საქართველოსა და რუსეთის მოქალაქეებს შორის სტამბოლში მომხდარ დაპირისპირებაზე - კონსული აქტიურ კომუნიკაციაშია თურქ სამართალდამცველებთან

საქართველოს საგარეო საქმეთა სამინისტროში თურქული მედიით გავრცელებულ ინფორმაციაზე, რომლის მიხედვით, სტამბოლში საქართველოსა და რუსეთის მოქალაქეებს შორის შეიარაღებული დაპირისპირება მსხვერპლით დასრულდა, აცხადებენ, რომ თურქეთში საქართველოს კონსული აქტიურ კომუნიკაციაშია თურქ სამართალდამცველებთან. როგორც „ინტერპრესნიუსს“ საგარეო უწყებაში განუცხადეს, მიმდინარეობს ინფორმაციის მოძიება. სხვა დეტალებზე სამინისტროში არ საუბრობენ.

შეგახსენებთ, რომ თურქული მედიის ინფორმაციით, სტამბოლში საქართველოსა და რუსეთის მოქალაქეებს შორის შეიარაღებული დაპირისპირება მოხდა, არის მსხვერპლი.

CNN TURK - ის ინფორმაციით, გარდაცვლილია საქართველოს მოქალაქე თ.პ. არიან დაჭრილებიც. სხვა თურქული მედიასაშუალების ინფორმაციით კი, დაღუპული ორი ადამიანია, ერთი რუსეთის მოქალაქეა, ერთი კი - საქართველოსი. ამავე ინფორმაციის თანახმად, დაპირისპირების ადგილზე ნაპოვნია მაყუჩიანი იარაღი.

დაჭრილები საავადმყოფოში გადაიყვანეს. დაპირისპირების მიზეზებზე ინფორმაცია არ ვრცელდება.

ზაზა ფირალიშვილი - უბრალოდ, ივანიშვილს  ვერ წარმოუდგენია, რომ თავადაც ძველი ხელისუფლების მსგავსი შეცდომები მოსდის
ქართული პრესის მიმოხილვა 18.11.2019
ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო