თუ ვერ დავინახეთ, როგორი შესაძლებლობაა ზოგადად რამდენიმე ღრმაწყლოვანი პორტის სინერგიის, რა თქმა უნდა, ჩვენ ყოველთვის პრიორიტეტში გვექნება ანაკლია,- ასე პასუხობს ეკონომიკის და მდგრადი განვითარების მინისტრი ნათია თურნავა „პალიტრანიუსის“ „360 გრადუსში“ კითხვას, გამორიცხულია თუ არა, რომ ანაკლიის პორტის გარდა, სხვა ღრმაწყლოვანი პორტის მშენებლობა დაიგეგმოს საქართველოში.

“თუ არ იქნება ბიზნესგეგმის შედეგად იმის დასტური, რომ საუბარი არის დამატებითი ტვირთების მოზიდვაზე, თუ ვერ დავინახეთ, როგორი შესაძლებლობაა ზოგადად რამდენიმე ასეთი პორტის სინერგიის, რა თქმა უნდა, ჩვენ ყოველთვის პრიორიტეტში გვექნება ანაკლია. ერთის მხრივ მხარს უჭერდე ანაკლიის ღრმაწყლოვან პორტს და არწმუნებდე ბანკებს და მეორეს მხრივ, თუნდაც ფორმალურად, უმნიშვნელოდ ნაბიჯებს დგამდე ამის საწინააღმდეგოდ, ეს არ არის ჩვენი სტილი“,- განაცხადა თურნავამ.